Manibat keng TV Reporter angga na keng Living with Aphasia

I Michelle Clemens metung yang malusog a 25-anyos at metung yang Emmy-nominated TV news reporter na mahilig magdalagan, maglakbe, ampo maglutu cupcakes. anyang panaun na keng green bay, wisconsin, keng amerika, ing yatu na mibalikid ya inyang mayu 2017 inyang mesira ya ing brain aneurysm na meging sangkan ning stroke, a mibayu ing sabla keng metung a instant.

Kaybat nang dinalan atlung operasyun keng utak ampo miglaan yang paruminggu keng intensive care unit, migising ya i Michelle atin yang aphasia, apraxia ning pamagsalita, ampo paralysis keng wanan nang gilid. Bilang metung a peryodista na ing karera na makasentru ya keng komunikasyun, ing pangawala ning abilidad na magsalitang masalese metung ya kareng peka masakit a bage keng kayang pamagbayung. Ing aldo-aldong pamisabi-sabi meging masakit ya, at kailangan nang magaral pasibayu kareng kabiasnan na e na na linawe.

Ing pamaggaling nang Michelle metung yang pamaglakbe ning pamagpursigi, kasalpantayanan, at determinasyun. King kilub ning dakal a banuang speech therapy, rehabilitation, exercise, ampo e mabilang a oras ning pamagpraktis, patuloy yang susulung. Agyang ing aphasia manatili yang dake ning bie na, e na buring paburen ing iti ing magdefine nung ninu ya. Bagkus, pagmasusian ne ing balang milestone at patuloy yang susulung metung a hakbang balang oras.

Bayung Kapitulu bilang Talasulat

Ngeni, i Michelle metung yang motivational speaker, metung yang author “DESIDIDU”, personal trainer ampo exercise instructor, documentary producer, ampo stroke survivor. Ishare ne ing kayang istorya para a-encourage la reng stroke survivors, deng taung ating aphasia, ding karelang pamilya, ampo reng caregivers. Ing kayang misyun yapin ing mag-raise awareness tungkul keng aphasia ampo paganaka kareng aliwa na ing pamagbawi malyari ya, agyang mabagal ya.

Buri nang Michelle aintindian da reng tau na ing aphasia makaapektu ya keng abilidad ning metung a tau para makipagsalita—e ya makaapektu keng talino. Inanyaya na la reng aliwa na maging mapagpasensya, makiramdam a alang pamagmadali, at dinan deng taung ating aphasia ing oras a kailangan da para ipasyag ing karelang sarili.

Ing kayang mensahi kareng aliwang taung ating aphasia simple ya:

“E ka tuknang at e ka sumuku. Ing pamagbawi metung yang masakit a pamaglakbe, pero ing utak mu kumayap ya pa. Manatili kang magobra, manatili kang maniwala, at pagmasusian ing balang malating tagumpe.”

Maniwala ya i Michelle na ing balang pamaglakbe ning pamagbawi metung yang makatagulaling. Asahan na ing kayang istorya maka-inspire ya kareng aliwa para manintun lang sikanan kareng masakit a panaun, tanggapan ing kapanayan, at ganakan na ing bie kaybat ning stroke malyari ya pa muring maging makabaldugan, atin sangkan, at mitmung posibilidad.